أبطال “ساعته وتاريخه”: الحلقات حلوة والكواليس ممتعة وكله متعاون حصري على لحظة

استضافت الإعلامية والفنانة إسعاد يونس ببرنامجها “صاحبة السعادة” على قناة dmc، أبطال مسلسل “ساعته وتاريخه” وضيوف الحلقة شهيرة الصوري ولميس محمود.
وقالت شهيرة الصورى: قدمت دورا فى مسلسل “ضبط وإحضار”، كنت بنام وأصحى وافتح عنيا وألاقى نفسى بتكلم فى الدور علشان أقدم المشاهد، وأفضل أكرر الكلام علشان أحفظ الدور، وأخدت 3 أيام فى مشهد العربية، وكان الجو حار، وبشرتى اسمرت فى تانى يوم، لكن الحلقة كانت حلوة”.
وقالت الطفلة لميس محمود: “قدمت حلقتين فى مسلسل ساعة شيطان وأيام التصوير كانت حلوة ومتحمسة وانا بحب الفنان أحمد أمين، وكان نفسى اشتغل معاه وربنا حققلى أمنيتى، وهو جميل، ولما قرأت الدور كان نفسى أعمله وقدمت معاه شخصية سهام”.
وأوضحت لميس محمود “الشخصية أثرت فيا، لأن البنت فى المسلسل فقدت أمها وهى فى حاجة إليها، وبحب المخرج عمرو موسى، لأنه كان عسول معايا واحنا بنصور وكان دايما بيفهمنى كل حاجة، علشان كدة بحبه”.
تابعت لميس، قدمت دور فى حلقة “رجل العائلة”وكان زمن التصوير 3 أيام وهما أحلى أيام، وكانت الكواليس جميلة.